Nysana.kz – Ақпарат агенттігі Ақпараттық-сараптамалық, қоғамдық-саяси, әлеуметтік-экономикалық, қаржылық, құқықтық, бизнес, экстремизмге, терроризмге және сыбайлас жемқорлыққа қарсы күрес, экологиялық, туристік, мәдени, әлеуметтік зерттеу
Сайрам ауданының әкімі Ұласбек Сәдібекұлы аудан тұрғындарының сапалы жарыққа ие болуы үшін сала мамандарына электр желілерін жаңартуды тапсырды. Бұл орайда Қайнарбұлақ ауылдық округі, Қасымбек датқа ауылындағы электр желілерін тарту жұмыстарын аудан әкімі өзі барып көріп шықты.«Көмешбұлақ» мешітінің жанындағы Жаңа құрылыс көшесіне КТП орнатылып, электр желілері 120 гектар аумақта орналасқан 813 жер учаскесіне тартылуы тиіс. Мұнда 8 электр трансформаторы орнатылады. Ауқымды жұмыстың құны-355 млн теңге.
Ал, 17 партсъезд аталып кеткен елдімекендегі Жаңақұрылыс көшесіне КТП орнатып, электр желілері тартылмақ. Нәтижесінде, 363 жер учаскесін электр қуатымен қамтамасыз етуге 5 электр трансформаторы орнатылады. Бұл жұмыстың сметалық құны-184 млн теңге.
Сонымен қатар, Қасымбек датқа ауылындағы авто-жанармай құю бекетінің артқы жағындағы көшелерге КТП орнатып, электр желілердің құрылысына, 378 жер учаскесін электр қуатымен қамтамасыз ету үшін 4 трансформатор қойылады. Оған – 187 млн теңге бөлініп отыр.
Осы нысандар жылдың соңына дейін толық іске қосылады. Жалпы, 2019-2021 жылдары аудан аумағында электр энергиясы жүйесін жаңғырту яғни жаңарту бойынша бюджеттен 1 миллиардқа жуық қаржы жұмсалып отыр.
