Әжетхана аулада болса айыппұл төлейсің

Түркістан облысында 23 метепке айыппұл салынды. Лауазымды 29 тұлға 230 айлық есептік көрсеткіш есебінде айыппұл төлейтін болды. Себебі бұл мектептерде әжетхана сыртта, яғни аулада орналасқан. Атап айтқанда, Сарыағашта – 13, Мақтааралда – 4, Отырарда – 2 және Түркістан қаласы, Төлеби, Бәйдібек, Жетісай аудандарындағы мектептерде әжетхананы іште орналастыру мәселесі әлі шешілмеген.

Санитар мамандар тексерген кезде әжетхананың сыртта орналасқаны өз алдына, мектеп ішінің санитариялық жағдайы да мәз еместігі байқалған. Облыста жаңадан салынып жатқан мектеп ғимараттарында әжетхана іштен болуы мамандардың қадағалауында.