Жаңа жылда – жаңа қызмет

Иманғали Тасмағамбетов 2023 жылдың 1 қаңтарынан бастап Ұжымдық қауіпсіздік туралы шарт ұйымының бас хатшысы лауазымына кірісті. Бұл қызметке ол 3 жылға тағайындалды.

Ұжымдық қауіпсіздік кеңесі – ҰҚШҰ-ның жоғары органы. Оның құрамына Қазақстан, Армения, Беларусь, Қырғызстан, Тәжікстан және Ресей Президенттері мүше. Дәл осы кеңестің келісімімен ҰҚШҰ бас хатшысы тағайындалады.

2020 жылдың 1 қаңтарынан бұл қызметті Беларусь елінің өкілі генерал-лейтенант Станислав Васильевич Зась атқарып келген болатын. Иманғали Нұрғалиұлы Тасмағамбетов кезінде ҚР Премьер-Министрі, Мемлекеттік хатшы, Қорғаныс министрі қызметтерін атқарғаны белгілі. 2019 жылы 18 желтоқсанда Мемлекет басшысы Қасым-Жомарт Тоқаевтың Жарлығымен Иманғали Нұрғалиұлы зейнет жасына толуына байланысты Қазақстан Республикасының Ресей Федерациясындағы Төтенше және Өкілетті Елшісі қызметінен босатылған.

ххх

Мемлекет басшысының Жарлығымен Ғалымжан Тельманұлы Қойшыбаев Қазақстан Республикасы Премьер-Министрінің орынбасары – Үкімет Аппаратының Басшысы лауазымына тағайындалды.

Ал, Серікқали Аманғалиұлы Брекешев Қазақстан Республикасының Экология, геология және табиғи ресурстар министрі лауазымынан босатылды. Оның орнына Мемлекет басшысының Жарлығымен Зүлфия Болатқызы Сүлейменова тағайындалды.

ххх

Мемлекет басшысының Жарлығымен Асхат Қанатұлы Аймағамбетов Қазақстан Республикасының Оқу-ағарту министрі лауазымынан босатылды. Бұл қызметке Ғани Бектайұлы Бейсембаев тағайындалды

ххх

Қайырбек Айтбайұлы Өскенбаев та Презхиденттің Жарлығымен Қазақстан Республикасының Индустрия және инфрақұрылымдық даму министрі лауазымынан босатылды. Оның орнына Марат Кәрімжанұлы Қарабаев Қазақстан Республикасының Индустрия және инфрақұрылымдық даму министрі лауазымына тағайындалды.

Ххх

Мемлекет басшысының Жарлығымен Асхат Раздықұлы Оралов Қазақстан Республикасының Мәдениет және спорт министрі лауазымына тағайындалды. Бұл қызметті  бұған дейін Дәурен Әскербекұлы Абаев атқарып келгені белгілі.

ххх

Мемлекет басшысының Жарлығымен Азамат Несіпбайұлы Есқараев Қазақстан Республикасының Әділет министрі лауазымына тағайындалды