Download WordPress Themes, Happy Birthday Wishes
Басты бет » Әлеумет » Тағам өнімінің таңбалануына назар аударайық!

Тағам өнімінің таңбалануына назар аударайық!

Бүгінгі күнде әрбір тұтынушы сатып алып жатқан тағам өнімі жөнінде және өндірушісі туралы толық және нақты мәлімет алуға құқылы.

Қажетті мәліметтердің барлығы өнімнің қорабында немесе орамада таңбалау арқылы көрсетілуге тиіс. Таңбалауда болуға тиісті ақпарат Кеден Одағының 022/2011 «Тағам өнімдерін таңбалау бөлігі» техникалық регламентінің  талаптарында көрсетілген.

Тағам өнімдерін таңбалауда көрсетілуге  тиісті мәліметтер:

  • атауы;
  • тағам өнімінің құрамы, мөлшері, жасалған күні, жарамдылық мерзімі;
  • дайындаушының сауда белгісі;
  • дайындаушының атауы мен орналасқан жері, сондай-ақ осы Кеден одағы техникалық регламентінде белгіленген жағдайларда дайындаушының уәкілетті тұлғасының атауы мен орналасқан жері, импорттаушы-ұйымның атауы мен орналасқан жері;
  • тауардың негізгі тұтынушылық қасиеттері, тағамның биологиялық және энергетикалық құндылығы және белгілі бір аурулар кезіндегі қарсы көрсетілімдер туралы мәліметтер;
  • тағамдық құндылығының көрсеткіштері;
  • тауар массасының шамасы, көлемі, саны;
  • тағам өнімдерінде генетикалық түрлендірілген ағзаларды қолданып алынған құрауыштардың бар-жоқтығы туралы деректер (өнімнің құрамында генетикалық түрлендірілген ағзалар болған жағдайда ГТА деп көрсетіледі);
  • Кеден одағына мүше мемлекеттердің нарығында өнімдердің айналуының (ЕАС) бірыңғай белгісі.
  • тағам өнімдерін таңбалау Кеден одағына мүше мемлекеттің заңнамасында тиісті талаптар болған кезде орыс тілінде және Кеден одағына мүше мемлекеттің мемлекеттік тілінде жазылуы тиіс.

Өз денсаулығымызға пайдасы бар, құнарлы тағамдарды таңдай білу үшін, жоғарыдағы айтылған тағам өнімдерінің таңбалауына қойылатын негізгі талаптарға аса мән беруіміз қажет. Егер де сыртында таңбалануы толық жазылмаған жағдайда, сатушыдан ақпарат алуға болады және сатушы сізге тауар туралы толық, әрі нақты ақпаратты беруге міндетті.

Ә. Төлебаев, Шымкент қ. СЭБД басшысы.

 

Жауап беру

Email адресіңіз жарияланбайды. Міндетті жерлерін толтырыңыз *

*

Яндекс.Метрика