Бельгияға ресми сапармен барды

Президент Қасым-Жомарт Тоқаев Бельгия астанасы — Брюссельге ресми сапармен барды. Қала әуежайында Құрмет қарауылы сап түзеп, Қазақстан басшысын ЕО Орта Азия бойынша арнайы өкілі Эдуардс Стипрайс және басқа да ресми тұлғалар қарсы алды.

Ертең Еуропалық Кеңестің штаб-пәтерінде Еуропа Одағының басшылары Антониу Коштамен және Урсула фон дер Ляйенмен екіжақты келіссөздер жүргізіледі. Сапар аясында бірқатар маңызды бірлескен құжаттарға қол қойылмақ.