Шымкентте сауна мектепке берілді
МәселеЖариялаған: admin | Уақыты: 2025-03-04 13:14:00 |
Бөлісу: Facebook | Whatsapp | Қаралым саны: 70
Бұл туралы Шымкент қаласы әкімдігінің ресми өкілі, әрі қала әкімінің орынбасары Сәрсен Құранбек мәлімдеді. Оның айтуынша осы кезге дейін мектептің іргесіндегі сауна заңсыз жұмыс істеп келген.
–Шымкент қаласындағы №8 мектептің іргесінде орналасқан бұрынғы саунаның жері ешкімнің жеке меншігіне өтпейді. Ол жер бұрын мектеп балансында болғаны ескеріле отырып, №8 мектептің балансына қайтарылады. Бастапқы құрылыс нысанын бұзып, басқаша жасап, көпқабатты үйді саунаға айналдырып жібергенін зерттеу, тексеру барысында білдік. Осыған байланысты әкімшілік құқық бұзушылық кодекстің 316-бабының талаптары бұзылғаны анықталды. «Арман-1» саунасының қызметі тоқтатылып, нысан мөрленді. Сондай-ақ полиция департаменті тарапынан да өндірісте Қылмыстық кодекстің 309-бабы, 7-бөлігінің 1-тармағымен байланысты жезөкшілікпен айналысу үшін притон ұстау және ұйымдастыру бойынша қылмыстық іс қозғалды. Қылмыстық іс бойынша бірнеше адам тергеу-тексеру амалдарына қатысып жатыр, - деді ол