Білікті мамандар келе жатыр
Әлеумет BollywoodЖариялаған: admin | Уақыты: 2024-10-08 10:30:00 |
Бөлісу: Facebook | Whatsapp | Қаралым саны: 6
Мақтаарал ауданының тұрғындары үшін жағымды жаңалық.
2024 жылдың 10-11 қазанында Алматы қаласындағы «Кардиология және ішкі аурулар ғылыми-зерттеу институты" АҚ Басқарма төрағасы Марат Орынбасаровичтің бастамасымен, Мақтаарал аудандық Атакент ауруханасының басшысы А. Жүзеновтің ұйымдастыруымен медициналық көмек көрсету шарасы өтеді. Бұл шараның басты мақсаты – Атакент елді мекенінің тұрғындарына жоғары технологиялық медициналық қызметтер көрсету.
Медициналық қызметтердің біліктілік сапасын арттыру, науқастарға көмек көрсету және ауруларды басқару бағдарламаларын жүзеге асыру үшін Алматы қаласындағы «Кардиология және ішкі аурулар ғылыми-зерттеу институты» мекемесінің дәрігерлерінің қатысуымен ұйымдастырылатын шаралар ұсынылады. Атап айтқанда, шара барысында келесі медициналық бағыттар бойынша қызметтер көрсетілетін болады:
Кардиохирургия: Жүрек-қан тамырлары ауруларына арналған заманауи диагностикалық және хирургиялық әдістер.
Кардиоревматология: Жүрек аурулары мен ревматологиялық аурулардың кешенді диагностикалық және терапевтикалық басқаруы.
Аритмология: Жүрек ритмі мен өткізгіштігінің бұзылуын емдеу.
Нефрология: Бүйрек ауруларын диагностикалау және емдеу.
Гастроэнтерология: Асқазан-ішек жолдарының ауруларын зерттеу және емдеу.
Функционалдық диагностика: Науқастардың жағдайын бағалау үшін заманауи диагностикалық құралдарды қолдану.
Науқастарды қабылдауға қатысатын дәрігерлер жоғары білікті мамандар. Олардың құрамы мына азаматтардан тұрады:
Тулеутаев Рустем Мухтарович – Кардиохирургия бөлімі меңгерушісі, жүрек операцияларын жүргізу бойынша тәжірибесі мол.
Ахыт Бағдат Абдыкадырович – Жүректің ырғағы мен өткізгіштігінің бұзылуы бөлімі меңгерушісі, аритмияның күрделі жағдайларын емдеуде сарапшы.
Калыкова Майса Байузаковна – Ревматолог дәрігер, терапия бөлімі меңгерушісі, ревматикалық ауруларды диагностикалау мен емдеуге маманданған.
Нугманова Балжан Турсынханова – Дәрігер гепатолог, гастроэнтеролог, Алматы қаласындағы Гепатологиялық орталықтың басшысы.
Қармақбаев Сәрсенбай Берікұлы – Нефролог дәрігер, терапия бөлім меңгерушісі, бүйрек ауруларының диагностикасы мен емдеуінде тәжірибелі маман.
Арысбаев Бахыт Есенгельдиевич – УДЗ дәрігері, диагностикалық процедураларды жүргізуде тәжірибесі мол.
Бұл шараның мақсаты – Атакент тұрғындарына жоғары деңгейдегі мамандандырылған медициналық көмек көрсету. Науқастар, білікті дәрігерлердің консультацияларын ала отырып, денсаулық жағдайларын бақылап, қажетті емдеу шараларын ұйымдастыру мүмкіндігіне ие болады. Сонымен қатар, мамандардың қатысуымен өтетін мультидисциплинарлық мастер-класстар тұрғындарға ауруларды алдын алу және басқару туралы білімдерін арттыруға көмектеседі.
Мақтаарал ауданында медициналық қызметтердің сапасын арттыру және тұрғындардың денсаулығын жақсарту үшін осындай шаралардың жалғасатындығына сеніміміз мол. Бұл бастамалар ауданымыздың медициналық инфрақұрылымын нығайтуға, мамандардың біліктілігін арттыруға, және ең бастысы – тұрғындардың денсаулығын қорғауға бағытталған.
«Атакент тұрғындарын медициналық көмек көрсету шарасына белсене қатысуға шақырамыз. Тұрғындарымыздың денсаулығы – біздің басты міндетіміз!» дейді Мақтаарал аудандық Атакент ауруханасының ұжымы.
2859 (3)