Памперс жиіркену сезімін жояды

Жариялаған: admin | Уақыты: 2026-04-23 16:38:00 |

Бөлісу: Facebook | Whatsapp | Қаралым саны: 16

Памперс жиіркену сезімін жояды

Бесіктің қасиеті – тазалықты таныту екенін әрбір ана білетіні, әрине, шүбәсіз. Қазіргі қолданып жүрген жөргектің (памперс)  зияны туралы ғалымдар айтып-ақ берген. Ал әжелеріміз не дейді, ол туралы тыңдайсыз ба?

Хадуба деген әжеміз бар, балаға қатысты айтарын дәлелмен айтады. «Памперс баланың жиіркену  сезімін жояды. Бала өз  боғынан жиіркенбей  өссе бойындағы тітіркену сезімдерін жоғалтады», - дейді ол кісі.

Біздің қоғам  еуропашыл болып алғалы  ата-бабаның бұрынғыдан бүгінгіге жеткен ой-толғамдары  теңіз түбіне батқандай  жоғалып барады, есесіне батысшыл   батпақтан  көрінбейді. Ғылымға келгенде шетел ғалымдарынан  ғаламат жаңалық іздейміз. Жан-дүниемізге етене жақын қазақ ұлтының әрбір отбасында  ғалым баба, әже, апа барын  бағалай алмай жүріп дүниені шарлап дүбәра оқымысты болғысы  келетін ұрпақ болмысы қалыптасуда.

Төрт-ақ кластық білімі бар анам марқұм көрсеткен үлгі-өнеге, тәлім-тәрбие өміріме үлкен сабақ болғанын сәт сайын жадымда жаңғыртып тұрамын. Шай үстіндегі әңгімені де  сәбиі бар үйде абайлап айту керек екенін осы Хадуба әжеден естідім. Бала – сезімтал, «пәленше жолға шықты,  үйге келеді» десеңіз,  балаға қонақтың қамшысы тиіп мазасызданады екен.

Балаға жастайынан ненің ұят екенін үйрету үшін «кәкәй» деген сөзді қолданбайтын ата-әже бар ма екен? «Кәкәйінің» үстінде отырып каша жейтін  балаға не үйретеміз?

Ақмарал Леубаева,

Шымкент қаласы, Әдет-ғұрып және салт-дәстүр

орталығының аға ғылыми қызметкері.