Әлеуметтік осал топтар үшін тұрғын үй бағдарламасы жалғаса береді
ӘлеуметЖариялаған: admin | Уақыты: 2024-10-15 15:20:00 |
Бөлісу: Facebook | Whatsapp | Қаралым саны: 12
Мақтаарал ауданында халықтың әлеуметтік осал топтарына арналған жалға берілетін тұрғын үй бағдарламасы тұрғындардың тұрғын үй жағдайларын жақсартуға бағытталған. 2024 жылға жоспарланған шаралардың аясында 56 тұрғын үй сатып алу үшін 807 млн. теңге көлемінде қаржы қарастырылған.
2024 жылдың алғашқы сегіз айының қорытындысы бойынша, бағдарламаның шеңберінде 108,5 млн. теңге қаржы игерілді. Нәтижесінде 7 тұрғын үй сатып алынды. Сатып алынған тұрғын үйлер кезекте тұрған отбасыларға табысталды, бұл тұрғындардың әлеуметтік жағдайларын көтеруге және тұрғын үйге қол жеткізу мүмкіндіктерін арттыруға ықпал етті.
Қазіргі уақытта қайта мемлекеттік сатып алу жұмыстары жүргізілуде. Бұл шара тұрғын үйлердің саны мен сапасын арттыру, сондай-ақ, әлеуметтік осал топтарға арналған тұрғын үй қорын кеңейту мақсатында жүзеге асырылып отыр.
Мақтаарал ауданындағы халықтың әлеуметтік осал топтары үшін жалға берілетін тұрғын үй бағдарламасы тұрғын үй мәселесін шешуге бағытталған маңызды қадам болып табылады. Аудан әкімшілігі мен жергілікті басқару органдарының үйлесімді жұмыстарының нәтижесінде тұрғындар үшін қолжетімді және сапалы тұрғын үй жағдайларын қамтамасыз ету мақсатында жүйелі шаралар қабылдануда. Бұл бағдарлама аудан тұрғындарының әлеуметтік жағдайын жақсартуға, олардың өмір сүру сапасын арттыруға зор ықпал етеді.
1212 (4)