Мақтааралдың мақтаныштары облыста топ жарды
ӘлеуметЖариялаған: admin | Уақыты: 2024-10-05 17:45:00 |
Бөлісу: Facebook | Whatsapp | Қаралым саны: 10
Жуырда Түркістан облысы Сауран ауданында мектептегі өзін-өзі басқару және балалардың шығармашылық әлеуетін дамыту мақсатында «Әрекет уақыты» республикалық балалар құрылтайының облыстық кезеңі өтті. Бұл іс-шара оқушылардың өзін-өзі басқару көшбасшыларының оң имиджін қалыптастыру және балаларды қосымша біліммен қамтуға бағытталған.
Мақтаарал ауданының білім бөлімі атынан «Б. Соқпақбаев атындағы №48 жалпы білім беретін мектеп» КММ-нің «Өзін-өзі басқару» ұйымының фракция жетекшілері қатысып, жоғары нәтиже көрсетті. Олар өздерінің көшбасшылық қабілеттері мен ұйымшылдықтарын дәлелдеп, ІІ дәрежелі дипломмен марапатталып, ауданымыздың мәртебесін биікке көтерді.
Жеңіспен оралған мектеп оқушыларын және олардың жетекшісі Ж. Исаеваны Мақтаарал ауданының білім бөлімінің басшысы м.а. Қ.Арап құттықтап, олардың табыстарына ризашылығын білдірді. Бұл жеңіс тек мектеп пен аудан үшін ғана емес, жалпы жастардың көшбасшылық қабілеттерін дамытуға үлкен серпін беретін оқиға болды.
Мақтаарал ауданынан шыққан жас көшбасшылардың бұл жетістігі аудандағы білім беру сапасы мен шығармашылық әлеуеттің жоғары деңгейде екенін дәлелдейді.