Сайрам ауданы Манкент ауылының тұрғыны Халметова Шахла жақында үшем туды. Сүйінші хабарды естіген аудан әкімі Ұласбек Сәдібекұлы ана мен баланың жағдайын сұрап, нәрестелерге құтты болсын айтып арнайы үйіне барды. Жаңа босанған анаға балаларының туу куәліктерін, 3 дана балалар қоларбасын, жемістер және тәттілері бар себеттерді, гүл шоғын сыйға тартты.Ал, денсаулық сақтау мекемесінің қызметкерлері нәрестелерге арналған киім-кешектер мен жабын жинақтарын сыйлады.
Қазіргі таңда ананың жағдайы жақсы. Бұл 33 жастағы келіншектің тұңғыш қызынан кейін сүйіп отырған екі қыз, бір ұлы. Оларға Шукрона, Юсуф және Ифара есімдері берілді.
